Este espectáculo vai dirixido a centros de ensino. Consiste nunha pequena viaxe pola instrumentación galega, para que a rapazada se achegue, por medio dun concerto didáctico, a boa parte da rica e variada instrumentación que aínda se conserva en Galicia.

Faremos unha exposición das diferente familias de instrumentos (vento, corda e percusión). E entre as cancións que interpretaremos, de corte tradicional, falarase de maneira moi amena sobre os instrumentos empregados, explicando as distintas partes que os forman, como se chaman, como se tocan e como soan combinados entre si. E sempre acompañados durante a actuación de diversos bailaríns (monicreques danzantes).

Adaptámonos en todo momento ás necesidades de cada centro así como ás idades ás que vaia dirixido.